Virtual Dhamma-Vinaya Vihara

Open monastery, laity practice area- [Öffentliches Kloster, Laienpraxisbereich] (vata assama) => Admirable friend - [Großartiger Freund] kalyanamittata => Topic started by: Dhammañāṇa on January 13, 2020, 07:23:05 PM

Title: Countries to leave & counties to go
Post by: Dhammañāṇa on January 13, 2020, 07:23:05 PM

Namo tassa bhagavato arahato sammā-sambuddhassa

...Friends, it was said states should be known as twofold, those that should be gone to and not gone to, why was it said so If you know of some state, which when gone to, demeritorious things increase and meritorious things decrease to such states you should not go. If you know of some states, to which when gone demeritorious things decrease and meritorious things increase, to such states you should go. Friends, if it was said, states should be known as twofold, those that should be gone to and not gone to, it was said on account of this...
Quote from: http://accesstoinsight.eu/user/johann/work/uppa/sut/an/09/sut.an.09.v01.uppa
Title: Re: Countries to leave & counties to go
Post by: អរិយវង្ស on January 13, 2020, 07:32:47 PM
Sadhu Sadhu Sadhu _/\_ _/\_ _/\_
Title: Re: Countries to leave & counties to go
Post by: Dhammañāṇa on January 26, 2022, 11:01:52 PM
To add also Khmer translation here:

Namo tassa bhagavato arahato sammā-sambuddhassa

៦. សេវនាសូត្រ

[៦] ក្នុងទីនោះឯង ព្រះសារីបុត្តដ៏មានអាយុ ហៅភិក្ខុ​ទាំងឡាយថា។បេ។ ព្រះ​សារីបុត្ត​ដ៏មានអាយុ បានពោល​ដូច្នេះថា ម្នាលអាវុសោ​ទាំងឡាយ អ្នកទាំងឡាយ គប្បី​ស្គាល់​បុគ្គល​ពីរពួក គឺ បុគ្គល​គួរសេពគប់ ១ បុគ្គលមិន​គួរសេពគប់ ១ ម្នាលអាវុសោ​ទាំង​ឡាយ អ្នកទាំងឡាយ គប្បីស្គាល់​ចីវរពីរយ៉ាង គឺចីវរ​គួរប្រើប្រាស់ ១ មិនគួរប្រើ​ប្រាស់ ១ ម្នាល​អាវុសោ​ទាំងឡាយ អ្នកទាំងឡាយ គប្បីស្គាល់​បិណ្ឌបាត​ពីរយ៉ាង គឺ បិណ្ឌបាត​គួរសេព ១ មិនគួរសេព ១ ម្នាលអាវុសោ​ទាំងឡាយ អ្នកទាំងឡាយ គប្បីស្គាល់​សេនាសនៈ​ពីរយ៉ាង គឺសេនាសនៈ​គួរសេព ១ មិនគួរសេព ១ ម្នាលអាវុសោទាំងឡាយ អ្នកទាំង​ឡាយ គប្បីស្គាល់​ស្រុក និងនិគមពីរយ៉ាង គឺស្រុក និងនិគម​គួសេព ១ មិនគួរសេព ១ ម្នាលអាវុសោ​ទាំងឡាយ អ្នកទាំងឡាយ គប្បីស្គាល់​ជនបទ និង​ប្រទេស​ពីរ​យ៉ាងគឺ ជនបទ និង​ប្រទេស​ដែលគួរសេព ១ មិនគួរសេព ១។ ក៏ពាក្យថា ម្នាល​អាវុសោ​​​ទាំងឡាយ អ្នកទាំងឡាយ គប្បីស្គាល់​បុគ្គលពីរពួក គឺបុគ្គល​គួរសេព ១ មិនគួរសេព ១ ដូច្នេះនេះ ដែលខ្ញុំ​ពោលហើយ ពាក្យដែល​ខ្ញុំពោល​ហើយនុ៎ះ តើព្រោះ​អាស្រ័យ​ហេតុដូច​ម្តេច។ បណ្តា​បុគ្គល​ទាំងពីរ​ពួកនោះ បើបុគ្គលស្គាល់​បុគ្គលណាថា កាលបើ​អាត្មាអញ សេពគប់​បុគ្គល​នេះ អកុសលធម៌​ទាំងឡាយ តែងចំរើនឡើង កុសលធម៌​ទាំងឡាយ តែងវិនាសទៅ មួយ​ទៀត គ្រឿងបម្រុង​ជីវិតទាំងឡាយ​ណា គឺចីវរ បិណ្ឌបាត សេនា​សនៈ គិលានប្បច្ចយភេសជ្ជ​បរិក្ខារ ដែលអាត្មាអញ​ជាបព្វជិត​ត្រូវ​ប្រមូល​មក​ ក៏គ្រឿង​បម្រុង​ជីវិត​ទាំងនោះ តែងមូលមក​បានដោយក្រ មួយទៀត អាត្មាអញ ​ចេញចាក​ផ្ទះ ចូលទៅ​កាន់ផ្នួស ដើម្បី​ប្រយោជន៍ដល់​ប្រយោជន៍​នៃសមណៈ​ណា ប្រយោជន៍នៃ​សមណៈនោះ មិន​ដល់នូវការ​បរិបូណ៌ ដោយភាវនា​ដល់អាត្មាអញ​ដូច្នេះ ម្នាលអាវុសោ​ទាំងឡាយ បុគ្គល​អ្នកសេពគប់​នោះ លុះដឹងក្នុង​ចំណែក​រាត្រីក្តី ក្នុងចំណែក​ថ្ងៃក្តី មិនគប្បី​លា ហើយ​ចៀស​ចេញទៅ ឬក៏មិន​គប្បីជាប់តាម​បុគ្គល​មិន​គួរសេព​គប់នោះ​ឡើយ។ បណ្តា​បុគ្គល​ទាំងពីរ​ពួកនោះ បុគ្គលស្គាល់​បុគ្គលណាថា កាលបើ​​អាត្មាអញ សេពគប់បុគ្គលនេះ អកុសលធម៌​ទាំងឡាយ តែងវិនាសទៅ កុសលធម៌​ទាំងឡាយ តែងចំរើន​ឡើង មួយទៀត គ្រឿង​បម្រុងជីវិត​ទាំងឡាយណា គឺចីវរ បិណ្ឌបាត សេនាសនៈ គិលានប្បច្ចយភេសជ្ជបរិក្ខារ ដែលអាត្មាអញ​ជាបព្វជិត​ត្រូវ​ប្រមូលមក ក៏គ្រឿង​បម្រុងជីវិត​ទាំងនោះ តែង​មូលមក​បាន​ដោយងាយ មួយទៀត អាត្មាអញ​ចេញចាកផ្ទះ ចូលទៅកាន់ផ្នួស ដើម្បី​ប្រយោជន៍​ដល់ប្រយោជន៍​នៃសមណៈ​ណា ប្រយោជន៍នៃ​សមណៈនោះ ដល់​នូវ​ការ​បរិបូណ៌​ដោយភាវនា ដល់អាត្មាអញ ដូច្នេះ ម្នាលអាវុសោ​ទាំងឡាយ បុគ្គលនោះ បើស្គាល់​ហើយ គប្បីជាប់​តាមបុគ្គល​នោះ មិនគប្បីចៀសចេញ​ទៅ ដរាប​ដល់​អស់​ជីវិតឡើយ។ បណ្តា​បុគ្គល​ទាំង​ពីរពួកនោះ បុគ្គល​ស្គាល់បុគ្គល​ណាថា កាលអាត្មាអញ​សេពគប់​បុគ្គលនេះ អកុសលធម៌​ទាំងឡាយ តែងវិនាសទៅ​ កុសលធម៌​ទាំងឡាយ តែង​ចំរើន​ឡើង មួយទៀត គ្រឿងបម្រុង​ជីវិតទាំង​ឡាយណា គឺចីវរ បិណ្ឌបាត សេនាសនៈ គិលានប្បច្ចយភេសជ្ជ​បរិក្ខារ ដែលអាត្មាអញ​ជាបព្វជិត ត្រូវប្រមូលមក ក៏គ្រឿង​បម្រុង​ជីវិត​ទាំងនោះ មូលមកបាន​ដោយងាយ មួយទៀត អាត្មាអញ ចេញចាក​ផ្ទះ ចូល​ទៅកាន់​ផ្នួស ដើម្បីប្រយោជន៍​ដល់ប្រយោជន៍​នៃសមណៈ​ណា ប្រយោជន៍​នៃសមណៈ​នោះ តែងដល់​នូវការ​បរិបូណ៌ ដោយភាវនា​ដល់អាត្មាអញ ដូច្នេះ ម្នាល​អាវុសោ​ទាំងឡាយ បុគ្គលនោះ គប្បីជាប់តាម​បុគ្គលនោះ មិនគប្បី​ចៀសចេញទៅ ដរាប​ដល់អស់​ជីវិត​ឡើយ។ បណ្តា​បុគ្គល​ទាំងពីរ​ពួកនោះ បុគ្គលស្គាល់​បុគ្គលណាថា កាលបើ​អាត្មាអញ​សេពគប់​បុគ្គលនេះ អកុសលធម៌​ទាំងឡាយ តែង​សាបសូន្យ​ទៅ កុសលធម៌​ទាំងឡាយ តែង​ចំរើន​ឡើង មួយទៀត គ្រឿង​បម្រុងជីវិត​ទាំងឡាយណា គឺចីវរ បិណ្ឌបាត សេនាសនៈ គិលានប្បច្ចយ​ភេសជ្ជ​បរិក្ខារ ដែល​​អាត្មាអញ​​ជាបព្វជិត ​ត្រូវប្រមូលមក ក៏គ្រឿង​បម្រុងជីវិត​ទាំងនោះ មូលមកបាន​ដោយ​ងាយ មួយទៀត អាត្មាអញ ចេញ​ចាកផ្ទះ ចូលទៅ​កាន់ផ្នួស ដើម្បីប្រយោជន៍​ដល់​ប្រយោជន៍​នៃសមណៈ​ណា ប្រយោជន៍​នៃសមណៈ​នោះ តែងដល់នូវ​ការបរិបូណ៌​ដោយភាវនា​ដល់អាត្មាអញ​ដូច្នេះ ម្នាល​អាវុសោ​ទាំងឡាយ បុគ្គលនោះ ទោះបីត្រូវ​គេ​បណ្តេញ​ចេញ គប្បីជាប់​តាម​បុគ្គលនោះ មិន​គប្បីចៀស​ចេញទៅ ដរាប​ដល់អស់​ជីវិតឡើយ។ ពាក្យណាថា ម្នាលអាវុសោ​ទាំងឡាយ អ្នក​ទាំងឡាយ គប្បីស្គាល់​បុគ្គលពីរពួក គឺ​បុគ្គល​គួរសេព ១ មិនគួរសេព ១ ដូច្នេះ ដែល​ខ្ញុំពោល​ហើយ ពាក្យដែល​ខ្ញុំពោលហើយនុ៎ះ ព្រោះ​អាស្រ័យ​ហេតុនេះ។ ក៏ពាក្យថា ម្នាល​អាវុសោ​ទាំងឡាយ អ្នកទាំងឡាយ គប្បី​ស្គាល់​ចីវរ​ពីរយ៉ាង គឺចីវរ​គួរប្រើប្រាស់ ១ មិនគួរ​ប្រើប្រាស់ ១ ដូច្នេះនេះ ដែលខ្ញុំពោល​ហើយ ពាក្យដែលខ្ញុំ​ពោលហើយនុ៎ះ តើព្រោះ​អាស្រ័យ​ហេតុ​ដូចម្តេច។ បណ្តា​ចីវរទាំង​ពីរ​យ៉ាងនោះ ភិក្ខុស្គាល់​ចីវរណាថា កាល​អាត្មាអញ​ប្រើប្រាស់​ចីវរ​នេះហើយ អកុសលធម៌​ទាំងឡាយ តែងចំរើនឡើង កុសលធម៌​ទាំងឡាយ តែង​សាបសូន្យ​ទៅ ដូច្នេះ ចីវរ​បែបនេះ ភិក្ខុមិនគួរ​ប្រើប្រាស់ឡើយ។ បណ្តា​ចីវរ​ទាំង ២ យ៉ាងនោះ ភិក្ខុស្គាល់​ចីវរ​បែបណា​ថា កាលបើ​អាត្មាអញ​ប្រើប្រាស់​ចីវរនេះ អកុសល​ធម៌​ទាំងឡាយ តែង​សាបសូន្យ​ទៅ កុសលធម៌​ទាំងឡាយ តែងចំរើន​ឡើង ដូច្នេះ ចីវរ​បែបនេះ ភិក្ខុគួរ​ប្រើប្រាស់​បាន។ ពាក្យណាថា ម្នាល​អាវុសោ​ទាំងឡាយ ភិក្ខុត្រូវ​ស្គាល់​ចីវរ មាន ២យ៉ាង គឺចីវរ​គួរប្រើប្រាស់ ១ មិនគួរ​ប្រើប្រាស់ ១ ដូច្នេះ ដែលខ្ញុំ​ពោលហើយ ពាក្យ​ដែលខ្ញុំ​ពោលហើយ​នុ៎ះ ព្រោះអាស្រ័យ​ហេតុនេះ។ ក៏ពាក្យថា ម្នាល​អាវុសោ​ទាំងឡាយ អ្នកទាំងឡាយ គប្បីស្គាល់​បិណ្ឌបាត ២ យ៉ាង គឺ​បិណ្ឌបាត​គួរសេព ១ មិន​គួរសេព ១ ដូច្នេះនេះ ដែលខ្ញុំ​ពោលហើយ ពាក្យដែល​ខ្ញុំពោល​ហើយនុ៎ះ តើព្រោះ​អាស្រ័យ​ហេតុ​ដូចម្តេច។ បណ្តា​បិណ្ឌបាត​ទាំង ២ យ៉ាងនោះ ភិក្ខុស្គាល់​បិណ្ឌបាត​ណាថា កាល​បើអាត្មាអញ សេពនូវ​បិណ្ឌបាតនេះ អកុសលធម៌​ទាំងឡាយ តែងចំរើនឡើង កុសលធម៌​ទាំងឡាយ តែង​សាបសូន្យ​ទៅ ដូច្នេះ បិណ្ឌបាត​បែបនេះ ភិក្ខុមិនគួរ​សេព​ឡើយ។ បណ្តា​បិណ្ឌបាត​ទាំង ២ យ៉ាងនោះ ភិក្ខុស្គាល់​បិណ្ឌបាត​ណាថា​ កាលបើ​អាត្មាអញ សេពនូវ​បិណ្ឌបាត​នេះ អកុសលធម៌​ទាំងឡាយ តែងសាបសូន្យទៅ កុសលធម៌​ទាំងឡាយ តែង​ចំរើន​ឡើងដូច្នេះ បិណ្ឌបាត​បែបនេះ ភិក្ខុ​គួរសេព​បាន។ ពាក្យ​ណា​ថា ម្នាលអាវុសោ​ទាំងឡាយ អ្នកទាំងឡាយ គប្បីស្គាល់​បិណ្ឌបាត ២ យ៉ាង គឺបិណ្ឌបាត​គួរសេព ១​ មិនគួរសេព ១​ ដូច្នេះ ដែលខ្ញុំ​ពោលហើយ ពាក្យដែលខ្ញុំ​ពោលហើយនុ៎ះ ព្រោះ​អាស្រ័យ​ហេតុនោះ។ ក៏ពាក្យថា ម្នាលអាវុសោ​ទាំងឡាយ អ្នកទាំងឡាយ គប្បី​ស្គាល់​សេនាសនៈ ២ យ៉ាង គឺ​សេនាសនៈ​គួរសេព ១​ មិនគួរសេព ១​ ដូច្នេះនេះ ដែលខ្ញុំ​ពោល​ហើយ ពាក្យដែល​ខ្ញុំពោល​ហើយនុ៎ះ ព្រោះអាស្រ័យ​ហេតុដូចម្តេច។ បណ្តា​សេនាសនៈ​ទាំង ២ យ៉ាងនោះ ភិក្ខុ​ស្គាល់​សេនាសនៈ​ណាថា កាលបើ​អាត្មាអញ​សេពសេនាសនៈ​នេះ អកុសលធម៌​ទាំង​ឡាយ តែងចំរើន​ឡើង កុសលធម៌​ទាំងឡាយ តែង​សាបសូន្យ​ទៅដូច្នេះ សេនាសនៈ​បែបនេះ ភិក្ខុមិន​គួរសេព​ឡើយ។ បណ្តា​សេនាសនៈ​ទាំង ២ យ៉ាងនោះ ភិក្ខុ​ស្គាល់​សេនាសនៈ​ណាថា កាលបើ​អាត្មាអញ​សេពសេនាសនៈ​នេះហើយ អកុសលធម៌​ទាំងឡាយ តែង​សាបសូន្យ​ទៅ កុសលធម៌​ទាំងឡាយ តែងចំរើន​ឡើង ដូច្នេះ សេនាសនៈ​បែប​នេះ ភិក្ខុគួរ​សេពបាន។ ក៏ពាក្យ​ណាថា ម្នាលអាវុសោ​ទាំងឡាយ អ្នកទាំងឡាយ គប្បី​ស្គាល់​សេនា​សនៈ មាន ២​ យ៉ាង គឺសេនាសនៈ​​គួរសេព ១ មិនគួរសេព ១ ដូច្នេះ ដែលខ្ញុំ​ពោល​ហើយ ពាក្យដែលខ្ញុំ​ពោលហើយនុ៎ះ ព្រោះអាស្រ័យ​ហេតុនេះ។ ក៏ពាក្យថា ម្នាលអាវុសោ​ទាំងឡាយ អ្នកទាំងឡាយ គប្បីស្គាល់​ស្រុក និង​និគម ២ យ៉ាង គឺ ស្រុក និង​និគម​គួរសេព ១ មិនគួរសេព ១ ដូច្នេះនេះ ដែលខ្ញុំ​ពោលហើយ ពាក្យដែល​ខ្ញុំពោល​ហើយ​នុ៎ះ តើព្រោះ​អាស្រ័យ​ហេតុដូចម្តេច។ បណ្ដា​ស្រុក និង​និគមទាំង ២ យ៉ាងនោះ ភិក្ខុស្គាល់​នូវ​ស្រុក និង​និគមណាថា កាលបើ​អាត្មាអញ​សេពស្រុក និង​និគមនេះ អកុសលធម៌​ទាំង​ឡាយ តែងចំរើន​ឡើង កុសលធម៌​ទាំងឡាយ តែងសាបសូន្យ​ទៅដូច្នេះ ស្រុក និង​និគម​បែបនេះ ភិក្ខុមិនគួរ​សេពឡើយ។ បណ្តាស្រុក និង​និគម ២ យ៉ាង​នោះ ភិក្ខុស្គាល់​ស្រុក និង​និគមណាថា កាលបើ​អាត្មាអញ សេពស្រុក និង​និគមនេះ អកុសលធម៌​ទាំងឡាយ តែង​សាបសូន្យ​ទៅ កុសលធម៌​ទាំងឡាយ តែង​ចំរើនឡើងដូច្នេះ ស្រុក និង​និគមបែបនេះ ភិក្ខុ​គួរ​សេព​បាន។ ក៏ពាក្យ​ណាថា ម្នាល​អាវុសោ​ទាំងឡាយ អ្នកទាំងឡាយ គប្បីស្គាល់​ស្រុក និង​និគម ២ យ៉ាង គឺស្រុក និង​និគមគួរសេព ១ មិនគួរសេព ១ ដូច្នេះ ដែលខ្ញុំ​ពោលហើយ ពាក្យនុ៎ះ ដែលខ្ញុំពោល​ហើយ ព្រោះ​អាស្រ័យ​ហេតុនេះ។ ក៏ពាក្យថា ម្នាល​អាវុសោ​ទាំងឡាយ អ្នកទាំងឡាយ គប្បីស្គាល់​ជនបទ និង​ប្រទេស ២ យ៉ាង គឺ​ជនបទ និង​ប្រទេស​ដែលគួរសេព ១ មិនគួរសេព ១ ដូច្នេះនេះ ដែលខ្ញុំ​ពោល​ហើយ ពាក្យ​ដែលខ្ញុំ​ពោល​ហើយនុ៎ះ តើព្រោះ​អាស្រ័យ​ហេតុដូចម្តេច។ បណ្តា​ជនបទ និង​ប្រទេសទាំង ២ យ៉ាង​នោះ ភិក្ខុស្គាល់​ជនបទ និង​ប្រទេសណាថា កាលបើអាត្មាអញ​ សេពជនបទ និង​ប្រទេស​នេះ អកុសលធម៌​ទាំងឡាយ តែងចំរើនឡើង កុសលធម៌​ទាំងឡាយ តែង​សាបសូន្យ​ទៅដូច្នេះ ជនបទ និង​ប្រទេស​បែបនេះ ភិក្ខុមិន​គួរសេព​ឡើយ។ បណ្តា​ជនបទ និង​ប្រទេសទាំង ២ យ៉ាង​នោះ ភិក្ខុស្គាល់​ជនបទ និង​ប្រទេស​ណាថា កាលបើ​អាត្មាអញ សេពនូវ​ជនបទ និង​ប្រទេសនេះ អកុសលធម៌​​ទាំងឡាយ តែង​សាបសូន្យទៅ កុសលធម៌​ទាំងឡាយ តែងចំរើន​ឡើងដូច្នេះ ជនបទ និង​ប្រទេសបែប​នេះ ភិក្ខុ​គួរសេពបាន។ ក៏ពាក្យ​ណាថា ម្នាលអាវុសោ​ទាំងឡាយ អ្នកទាំងឡាយ គប្បី​ស្គាល់ជនបទ និងប្រទេស ២ យ៉ាង គឺជនបទ និងប្រទេស​ដែលគួរសេព ១ មិនគួរសេព ១ ដូច្នេះ ដែលខ្ញុំ​ពោល​ហើយ ពាក្យដែល​ខ្ញុំពោល​ហើយនុ៎ះ ព្រោះ​អាស្រ័យ​ហេតុនេះ។
Quote from: https://sangham.net/km/tipitaka/book_049 English: https://sangham.net/user/johann/work/uppa/sut/an/09/sut.an.09.v01.uppa#._sevan%C4%81sutta%E1%B9%81

It's probably good to note that such 'heavy' advices are directed toward those who really already know what's right and wrong, as a person who does not know would certain cut off his good path and conditions as well, relaying on preferring and defilement.

So this advice is good to be understood as for those having arrived at the path and seeking for next fruit and path.

An ordinary person has a hard to followright here and would most likely destroy all relations even if still bedendig on them.
As for one complete, it wouldn't really have much impact beside of possible giving bad sample as one could be easy be suspected to aprove not good things.
Title: Re: Countries to leave & counties to go
Post by: អរិយវង្ស on January 27, 2022, 10:38:28 AM
សាធុ សាធុ សាធុ _/\_ _/\_ _/\_